O alumnado de 4º ESO visitou o pasado xoves, 30 de abril, o Pazo de Meirás, no veciño concello de Sada. Grazas ás expertas explicacións do noso compañeiro, o historiador Manuel Pérez Lorenzo, gran estudoso do pazo, puidemos coñecer este destacado espazo patrimonial, residencia da gran escritora Emilia Pardo Bazán, e de memoria, sé estival de Franco e centro neurálxico de moitas decisións cruciais e da represión levadas a cabo pola ditadura franquista.
Arquivo da categoría: Curso Actual
GRAN ÉXITO TEATRAL NA FEIRA DO LIBRO
O 26 de abril o alumnado de Oratoria de 4º ESO participou nas actividades organizadas polo Concello de Oleiros para celebrar o Día do Libro cunha representación teatral que deu vida e voz a dous poemas senlleiros de Rosalía de Castro. Cun cheo total na zona habilitada no Parque José Martí e baixo a dirección da profesora Eli Ríos, a función transitou entre o humor e o drama para traer ao presente dúas obras da literatura universal e mostrar o talento e a implicación da nosa xuventude. Noraboa a todas e todos!
LISTAXES PROVISIONAIS DE AXUDASLE
Desde o servizo de Innovación e Programas Educativos comunican a todos os centros docentes sostidos con fondos públicos con ensinanzas en Bacharelato, que o 5 de maio d
As listaxes poden consultarse na web da convocatoria http://www.edu.
A partir da publicación da listaxe provisional ábrese un prazo de 10 días hábiles para formular reclamacións e para a presentación da documentación sinalada nos requirimentos relacionados coa comprobación de datos. Rematado este prazo e estudadas as alegacións e a documentación presentada, o órgano instrutor emitirá informe para a proposta de resolución definitiva.
ARTURO LEZCANO E O PAÍS INVISIBLE
O xoves 23 de abril o alumnado de 1º e 2º de Bacharelato puido celebrar o Día do Libro cun invitado de excepción: Arturo Lezcano. O xornalista e escritor falounos da súa recente obra “O país invisible”, gran éxito de crítica e ventas, que achega unha imaxe particular, amena e ricamente documentada sobre a diáspora galega en América entre mediados do século XIX e mediados do XX. Moitísimas grazas a Arturo polas súas sabias verbas e pola invitación a reflexionar sobre a realidade actual desde as experiencias do pasado.
INICIACIÓN Á ESCALADA PARA O ALUMNADO DE 3º E 4º DA ESO
O IES Plurilingüe Neira Vilas desenvolveu durante o mes de xaneiro e marzo, unha actividade de Iniciación á Escalada dirixida ao alumnado de 3º e 4º da ESO
A actividade foi organizada polo Departamento de Educación Física e contou coa colaboración do “Club de Montañeros Independientes” (AMI), encargado de impartir as sesións no pavillón de Riazor.
A proposta formativa tivo unha duración total del dúas horas e estruturouse en dúas partes diferenciadas: unha primeira parte teórica, centrada nos fundamentos básicos do montañismo, a seguridade e o uso do material, e unha segunda parte práctica, na que o alumnado puido experimentar a escalada de maneira guiada e segura.
Fogóns poéticos
3° ESO asistindo aos ” Fogóns poéticos ” na biblioteca Rialeda, ofertados polo Concello de Oleiros coa colaboración do Departamento de Língua Galega.
4 DE MAIO, DÍA NON LECTIVO DO NOSO CENTRO
Segundo se comunicou a toda a comunidade educativa a través de Abalar, a Dirección Territorial autorizou o vindeiros luns, 4 de maio, como día non lectivo de centro, polo que nesa data non haberá clase e o centro permanecerá pechado.
REUNIÓN INFORMATIVA SOBRE O PROGRAMA BACHIBAC
O vindeiro xoves, 30 de abril, ás 18:30 h. terá lugar no Salón de actos do centro unha reunión informativa sobre o programa de dobre titulación Baccalauréat-Bacharelato (Bachibac), que, dentro do sistema de ensino en Galicia, só existe no noso centro. A xuntanza está dirixida prioritariamente ao alumnado e ás familias do alumnado que actualmente cursa 3º e 4º ESO para que aquelas persoas interesadas en incorporarse ao programa en Bacharelato coñezan mellor como funciona, cal é o plan de estudos, que requisitos de acceso existen e outras cuestións de interese.
PROCESO DE ADMISIÓN DE ALUMNADO DE NOVO INGRESO (CURSO 2026-2027)
Xa están publicadas no taboleiro do centro e na aplicación admisionalumnado:
– as listaxes definitivas do alumnado admitido nos cursos de 3º e 4º ESO e 2º Bacharelato (Ciencias e Tecnoloxía).
– as listaxes provisionais do alumnado admitido e excluído nos cursos de 1º ESO, 1º Bacharelato e 2º Bacharelato (Ciencias Sociais e Humanidades), por ser os postos escolares ofertados inferiores ao número de solicitudes de admisión.
Poderase formular reclamación ás listaxes provisionais ante o Consello escolar no prazo de 5 días hábiles contados a partir do seguinte ao da súa publicación (do 29 de abril ao 6 de maio, ambos incluídos). Estas reclamacións entenderanse estimadas ou desestimadas coa publicación das listaxes definitivas.
Defensa persoal
Actividad ofertada polo Concello de Oleiros para todo o alumnado de 1º ESO. Realizouse nas instalacións da piscina de Perillo.