{"id":1347,"date":"2006-06-30T17:28:55","date_gmt":"2006-06-30T15:28:55","guid":{"rendered":"http:\/\/www.iesneiravilas.es\/arquivo\/?p=1347"},"modified":"2014-10-12T17:36:57","modified_gmt":"2014-10-12T15:36:57","slug":"viaxe-a-londres-de-alumnado-do-ies-xose-neira-vilas","status":"publish","type":"post","link":"https:\/\/www.iesneiravilas.es\/arquivo\/?p=1347","title":{"rendered":"Viaxe a Londres de alumnado do IES Xos\u00e9 Neira Vilas"},"content":{"rendered":"

Fin de curso 2005-2006<\/h4>\n
\"Picadilly\"<\/a>
Picadilly<\/figcaption><\/figure>\n

Os d\u00edas 23 ao 28 de xu\u00f1o un grupo de alumnos e alumnas do noso Instituto, de diferentes niveis educativos (4\u00ba ESO, 1\u00ba e 2\u00ba de bacharelato) participaron nunha viaxe a Londres organizado polas profesoras Cristina Fern\u00e1ndez Branco e Aniana D\u00edaz G\u00f3mez.<\/p>\n

A chegada \u00e1 capital brit\u00e1nica foi o venres 23 de xu\u00f1o pola tarde. Despois do aloxamento no Leinster Inn Hostel, un albergue de xente nova en Bayswater, unha zona moi t\u00edpica de Londres, o primeiro contacto coa cidade foi na archico\u00f1ecida Picadilly Circus, cos seus rechamantes anuncios luminosos e o seu ambiente alegre e cosmopolita. A\u00ednda que non se pod\u00eda gozar ata moi tarde porque o d\u00eda seguinte promet\u00eda duro e canso.<\/p>\n

\"Comida<\/a>
Comida diante do museo<\/figcaption><\/figure>\n

Aproveitouse ao m\u00e1ximo a ma\u00f1\u00e1 do d\u00eda 24 paseando por Hyde Park e visitando o Science Museum, o Natural History Museum (famoso no mundo enteiro polo esqueleto de dinosauro que loce na s\u00faa entrada) e o Victoria & Albert Museum no que se pode ver, entre outras cousas \u00a1unha reproduci\u00f3n do P\u00f3rtico da Gloria!. Despois, unha comida \u201c\u00e1 inglesa\u201d sobre o c\u00e9spede, permitiu repo\u00f1er forzas. Pola tarde esperaba Portobello, un dos mercados m\u00e1is famosos do mundo, situado no non menos co\u00f1ecido barrio de Notting Hill.<\/p>\n

O domingo \u00e9 o d\u00eda ideal para achegarse ao Speakers Corner, en Hyde Park, e as\u00ed se fixo. Al\u00ed, improvisados oradores expo\u00f1en aos demais as s\u00faas ideas sobre pol\u00edtica, relixi\u00f3n, cultura, sociedade… un interesante exercicio de liberdade de expresi\u00f3n e tolerancia. Despois, un t\u00edpico bus ingl\u00e9s de dous pisos cruzou o centro da cidade ata levarnos a beiras do T\u00e1mesis para admirar The Houses of Parliament e, o icono da cidade, o Big Ben. A abad\u00eda de Westminster est\u00e1 pechada os domingos, co que non se puido visitar a tumba de Sir Isaac Newton, Lord Rutherford, ou do aventurero Dr Livingston entre moitos outros.<\/p>\n

\"Embaxada<\/a>
Embaxada de Arxentina en Londres<\/figcaption><\/figure>\n

O \u201cconsolo\u201d estivo nunha traves\u00eda polo T\u00e1mesis, con parada na Tate Modern Galery, e destino cara \u00e1 Tower of London. Al\u00ed viviron moitos reis de Inglaterra e ademais mant\u00ed\u00f1ase cativos e se axustizaba a moitos acusados de traiz\u00f3n a Inglaterra. A xornada acabou no id\u00edlico Covent Garden co seu ambiente de m\u00fasicos e artistas urbanos.<\/p>\n

Ao d\u00eda seguinte esperaba unha das xoias da cidade: o British Museum, onde se poden admirar pezas \u00fanicas como a pedra de Rosetta, numerosas momias exipcias, e gran parte do friso do Parten\u00f3n (coa conseguinte pol\u00e9mica co goberno grego…). Pola tarde, o Embaixador de Arxentina en Londres, D. Federico Mirr\u00e9, t\u00edo dunha das nosas alumnas, tivo a xentileza de convidar a todo o grupo que a acompa\u00f1aba a unha riqu\u00edsima merenda na s\u00faa casa, un marabilloso edificio situado nunha das zonas m\u00e1is glamourosas da capital<\/p>\n

\"Ambiente<\/a>
Ambiente en Camden<\/figcaption><\/figure>\n

O \u00faltimo d\u00eda a\u00ednda quedaba moito por aproveitar. O destino da ma\u00f1\u00e1 foi o Palacio de Buckingham, residencia da Ra\u00ed\u00f1a de Inglaterra, pero non chegamos a tempo para ver o famoso cambio da garda. A decepci\u00f3n inicial pronto se esqueceu porque a tarde esper\u00e1banos Camden Lock, o mercado co ambiente m\u00e1is ecl\u00e9ctico, extravagante e cosmopolita que se poida imaxinar. Tendas de roupa de todos os estilos alternativos, g\u00f3tico, punk, ciber, hippy… aqu\u00ed se atopan todas as tribos urbanas posibles!. Logo dunha esgotadora xornada de compras, a despedida da cidade non pod\u00eda ser doutro xeito que presenciando un musical nun t\u00edpico teatro londiniense.<\/p>\n

Cansos pero moi contentos, o grupo partiu do aeroporto de Heathrow cara a Alvedro con ganas de volver visitar esta marabillosa capital europea, tan pr\u00f3xima a n\u00f3s.<\/p>\n