{"id":1564,"date":"2008-03-30T09:16:11","date_gmt":"2008-03-30T07:16:11","guid":{"rendered":"http:\/\/www.iesneiravilas.es\/arquivo\/?p=1564"},"modified":"2014-10-20T20:25:26","modified_gmt":"2014-10-20T18:25:26","slug":"darknesscuridade-o-maraton-de-lectura","status":"publish","type":"post","link":"https:\/\/www.iesneiravilas.es\/arquivo\/?p=1564","title":{"rendered":"Darknesscuridade. O marat\u00f3n de lectura"},"content":{"rendered":"
\"Dong<\/a>
Dong Xu<\/figcaption><\/figure>\n

Ao longo dos meses de febreiro e marzo de 2008 tivo lugar no IES Neira Vilas o desenvolvemento do proxecto interdisciplinar \u201cDarknesscuridade\u201d, unha reflexi\u00f3n sobre a obra de Joseph Conrad \u201cO coraz\u00f3n das tebras\u201d e o contexto hist\u00f3rico no que se desenvolve.<\/p>\n

\u00c1 lectura e an\u00e1lise da obra de Conrad na asignatura de Literatura Universal Contempor\u00e1nea (1\u00ba Bacharelato) engad\u00eduse a de fragmentos da mesma nas clases de linguas estranxeiras. E tam\u00e9n o visionado do v\u00eddeo \u201cGenocide au Congo\u201d, orixinalmente en franc\u00e9s. As actividades incluiron asimesmo o visionado e an\u00e1lise da pel\u00edcula de Coppola \u201cApocalypse Now\u201d, as\u00ed como d\u00faas exposici\u00f3ns: unha bibliogr\u00e1fica, levada a cabo na biblioteca do centro escolar coa colaboraci\u00f3n da biblioteca R\u00eda Leda, e outra fotogr\u00e1fica \u2013no corredor inferior do IES- a base de imaxes hist\u00f3ricas comentadas, referentes \u00e1 colonizaci\u00f3n do Congo a finais do s\u00e9culo XIX e comezos do s\u00e9culo XX. E queda por citar a interpretaci\u00f3n pl\u00e1stica que dalg\u00fans gravados ou creaci\u00f3ns propias realizaron varios alumnos para incluir nesta exposici\u00f3n fotogr\u00e1fica.<\/p>\n

\"Vladimir<\/a>
Vladimir Kolpakov<\/figcaption><\/figure>\n

As actividades remataron cun acto final multidisciplinar, consistente nun marat\u00f3n de lectura que se realizou o venres 28 de marzo, entre 10.30 e 12.10 horas no Sal\u00f3n de Actos do IES Neira Vilas. Permit\u00eddenos que po\u00f1amos \u00e9nfase neste acto final, que tentemos recrear a s\u00faa atmosfera.<\/p>\n

O sal\u00f3n de actos est\u00e1 a rebosar, cinco cursos de distintos niveis educativos est\u00e1n expectantes ante un escenario no que, cunha m\u00fasica que fusiona os cantos gaboneses cos concertos de Bach, se presenta un panel co t\u00edtulo da novela de Conrad nas nove linguas en que ter\u00e1 lugar a lectura: ingl\u00e9s, castel\u00e1n, galego, franc\u00e9s, ruso, portugu\u00e9s, xapon\u00e9s, chin\u00e9s e italiano. Unha boa mostra da interculturalidade existente no IES Neira Vilas. E Miguel Trobo introd\u00facenos na primeira parte do acto. Temos aqu\u00ed a Marlow, temos ao profesor Pepe Couce que se transmutou no protagonista da obra de Conrad. E empeza a debullar a historia, un mon\u00f3logo tecido de explicaci\u00f3ns breves para ambientala na s\u00faa realidade aut\u00e9ntica, co trasfondo do imperialismo detr\u00e1s.<\/p>\n

\"Sara<\/a>
Sara Gestal<\/figcaption><\/figure>\n

A segunda parte do acto protagon\u00edzao o alumnado que, dun xeito organizado e armonioso, ascende en grupos de 5 ou 4 ao escenario para lernos fragmentos da obra de Conrad en distintos idiomas. Vela\u00ed que ascende Saray para iniciar a lectura na lingua orixinaria da obra, o ingl\u00e9s, e un tras outro van intercal\u00e1ndose alumnas e alumnos que len en castel\u00e1n, galego, franc\u00e9s, portugu\u00e9s,\u2026 O alumnado de 1\u00ba ESO int\u00e9grase co de 1\u00ba de Bacharelato, s\u00e9ntese arroupado por el, e o de 3\u00ba ESO le \u00e1 beira do alumnado de 2\u00ba Bacharelato en perfecta armon\u00eda. E aqueles fragmentos en ruso, xapon\u00e9s ou chin\u00e9s que leron Vladimir, Sara e Dong impactan nun p\u00fablico que aplaude todas as intervenci\u00f3ns. En total foron 47 alumnas e alumnos, arroupadas polo profesor de Filosof\u00eda co seu mon\u00f3logo e por Nacho Taibo co seu fragmento final en italiano, lembrando as tebras nas que deb\u00eda estar envolto Londres cando chegaran al\u00ed os romanos.<\/p>\n

Mais a\u00ednda queda a sorpresa final, porque Adri\u00e1n Bello sube ao escenario e interpreta en directo este rap composto por el e titulado \u201cEl alma de la selva\u201d, un tema no que fusiona as reflexi\u00f3ns sobre a obra de Conrad, a pel\u00edcula de Coppola, os versos de Manrique e as verbas do Che Guevara cando combateu pola descolonizaci\u00f3n do Congo. \u00c9 un poema de gran forza, que sirve para rematar este acto.<\/p>\n

En conxunto, \u201cDarknesscuridade\u201d implicou directamente a 60 alumnos e 12 profesores. Indirectamente, moitos m\u00e1is. Grazas a todas e todos.<\/p>\n