{"id":1749,"date":"2009-05-17T17:32:22","date_gmt":"2009-05-17T15:32:22","guid":{"rendered":"http:\/\/www.iesneiravilas.es\/arquivo\/?p=1749"},"modified":"2014-10-14T17:40:27","modified_gmt":"2014-10-14T15:40:27","slug":"verniada","status":"publish","type":"post","link":"https:\/\/www.iesneiravilas.es\/arquivo\/?p=1749","title":{"rendered":"Vern\u00edada"},"content":{"rendered":"

\"Todos<\/a> Festa en Mera. O 16 de maio de 2009 culmina o noso \u201cano Verne\u201d, o ano acad\u00e9mico da multiculturalidade e a viaxe sen fin. No escenario do auditorio Garc\u00eda M\u00e1rquez rendemos homenaxe ao escritor de Nantes que en 1873 publicou \u201cA volta ao mundo en 80 d\u00edas\u201d. E fac\u00e9molo rodeados de alumnas e alumnos, profesoras e profesores, nais e pais, familiares que desexan pasear polo mundo ao son da m\u00fasica e da palabra, participando nun espect\u00e1culo literario-musical que se adiantou no entroido e que agora cobra forma para a posteridade.<\/p>\n

A nosa \u201cVern\u00edada\u201d vi\u00f1a precedida da lectura dun libro sen par -Mat\u00edas recomend\u00f3unolo, f\u00edxonolo amar-, dun ensaio xeral en entroido -no que Mari\u00e1n e Jes\u00fas xa escolleran as pezas musicais que \u00edan dar forma a esta representaci\u00f3n-, dunha proxecci\u00f3n dos mellores intres da versi\u00f3n cinematogr\u00e1fica, datada en 1956 -Nacho fixo a selecci\u00f3n-, dunha conferencia na I Semana Intercultural, dunha entusiasta participaci\u00f3n de profesorado no traballo interdisciplinar da obra -Isabel Aller, Jos\u00e9 Antonio Rodr\u00edguez, Ant\u00f3n, Isabel, Goretti, Warinca, Carlos-. S\u00f3 quedaba que m\u00e1is dun cento de alumnas e alumnos do IES Neira Vilas subisen ao escenario de Mera para po\u00f1er en pr\u00e1ctica un traballo do que nos sentimos orgullosos.<\/p>\n

E as\u00ed foi. Durante oitenta minutos viaxamos por todo o mundo igual que Fogg o fixera en oitenta d\u00edas. Miriam, absolutamente insuperable, presentou o espect\u00e1culo, introduc\u00edunos no argumento. E foron pasando lectores en diversos idiomas; Ux\u00eda, Sergio, Constance, Alberto, B\u00e1rbara, Dong, Sara, Joana, Bruno, Andr\u00e9 Luis e Vladimir foron ubic\u00e1ndonos nas paisaxes: Londres, Suez, Ad\u00e9n, Bombai, Hong-Kong, Yokohama, San Francisco, Oakland, Nova Iorque, a costa de Irlanda… L\u00e9ronnos en franc\u00e9s, ingl\u00e9s, castel\u00e1n, galego, portugu\u00e9s, chin\u00e9s, xapon\u00e9s, ruso. Pux\u00e9ronnos ante a evidencia de que somos un centro educativo plural, e que nesa pluralidade nos gusta vernos reflectidos.<\/p>\n

Quedan na retina as imaxes do alumnado disfrazado para axustarse estrictamente \u00e1 representaci\u00f3n: H\u00e9ctor estaba glorioso co seu kilt escoc\u00e9s como se dun inmigrante de tal guisa en Nova Iorque se tratase; outros eran xudeus en Suez, vaqueiros no oeste, Alejo levaba un poncho sudamericano espectacular, Amanda era unha india do oeste moi ben caracterizada, hab\u00eda xoves galegas disfrazadas de orientais chinesas dun xeito excelente, Dong deunos un recital vocal cando pasamos por Hong-Kong.<\/p>\n

Grazas a todas e todos. Podedes sentir contentos. Fix\u00e9stesnos amar a literatura, a m\u00fasica, a oratoria, o teatro, o espect\u00e1culo. Demostrastes que ler \u00e9 gozar, que aprender non est\u00e1 en contra de disfrutar, que cando todos arrimamos o ombreiro as cousas merecen ser repetidas. As\u00ed que isto ten que ter continuidade. Porque o talento non debe quedar descansando na casa, hai que facelo p\u00fablico.<\/p>\n