{"id":1905,"date":"2010-05-28T20:24:17","date_gmt":"2010-05-28T18:24:17","guid":{"rendered":"http:\/\/www.iesneiravilas.es\/arquivo\/?p=1905"},"modified":"2014-10-16T08:50:06","modified_gmt":"2014-10-16T06:50:06","slug":"conecer-mellor-a-ria-do-burgo-para-coidala-e-ponela-en-valor","status":"publish","type":"post","link":"https:\/\/www.iesneiravilas.es\/arquivo\/?p=1905","title":{"rendered":"Co\u00f1ecer mellor a r\u00eda do Burgo para coidala e po\u00f1ela en valor"},"content":{"rendered":"
\"Membros<\/a>
Membros do Roots and Shoots!<\/figcaption><\/figure>\n

\u201cAS AVES DA R\u00cdA DO BURGO\u201d \u00e9 o t\u00edtulo do informe final, recollido como exposici\u00f3n e presentaci\u00f3n audiovisual, dun traballo acad\u00e9mico que durou todo o curso. Os responsables do mesmo son as profesoras de biolox\u00eda e xeolox\u00eda e o alumnado de ciencias para o mundo contempor\u00e1neo de 1\u00ba de bacharelato. Sendo obxecto de investigaci\u00f3n e tratamento curricular por parte do departamento citado nos \u00faltimos anos. A s\u00faa biodiversidade e o tremendo problema da contaminaci\u00f3n existente son asuntos recorrentes no traballo de aula para profesoras e alumnos. Este curso retomouse e continuouse implicando materias e alumnado de 2\u00ba e 3\u00ba de ESO e aos de 1\u00ba de bacharelato.<\/p>\n

Fix\u00e9ronse varias sa\u00eddas \u00e1 r\u00eda para observar e recoller informaci\u00f3n.<\/p>\n

Participouse no encontro do Proxecto Europeo Grundtvig.<\/p>\n

Solicitaron datos sobre as actuaci\u00f3ns das distintas administraci\u00f3ns (Concello de Oleiros, Concello de Culleredo, Concello de Cambre, Xunta de Galicia e Demarcaci\u00f3n de Costas) con resultados desiguais nas s\u00faas respostas. A colaboraci\u00f3n mais valiosa para o grupo veu da Confrad\u00eda de Pescadores da Coru\u00f1a e do naturalista experto en aves Antonio Sandoval<\/a>.<\/p>\n

Analiz\u00e1ronse mostras de auga procedente da r\u00eda nos laboratorios do centro, estudaron a maneira de identificar especies de aves invernantes na r\u00eda – fix\u00e9ronse fotos e cadernos de campo para reco\u00f1ecelas -, pasouse unha enquisa co obxecto de detectar o co\u00f1ecemento das familias e veci\u00f1os respecto do estado actual da r\u00eda e dos seus poboadores… E, como acci\u00f3n transformadora recoll\u00e9ronse mais de 1000 sinaturas entre os membros da comunidade escolar, do entorno e ate onde se chegou, para demandar un maior reco\u00f1ecemento do valor da nosa r\u00eda, as\u00ed como as conseguintes medidas de protecci\u00f3n.<\/p>\n

Con estes haberes na carteira profesoras e alumnado acudiron a dous foros nos que facer p\u00fablicas as s\u00faas achegas: o 20 de maio en Pontevedra no marco da A21EG encontro \u201co alumnado \u00e9 o protagonista\u201d , o 27 de maio no castelo de Sta. Cruz o IV Congreso Escolar de educaci\u00f3n ambiental<\/a> organizado polo CEIDA.<\/p>\n

En Pontevedra reuniuse alumnado e profesorado de 22 centros de ensino de toda Galicia. A viaxe xa foi unha testemu\u00f1a de aposta pola sustentabilidade: compartiuse o mesmo autob\u00fas con compa\u00f1eiros e compa\u00f1eiras do IES Fraga do Eume. Foi unha xornada calorosa e frut\u00edfera: a estrea da exposici\u00f3n sobre as aves da r\u00eda do Burgo ! (14 carteis en lona coas correspondentes especies significativas do humidal, retratadas con calidade, e identificando os seus sinais de identidade). A propia Conseller\u00eda de Medio Ambiente colgou a exposici\u00f3n nas s\u00faas instalaci\u00f3ns nas xornadas do profesorado da A21EG e agardamos que o curso vindeiro sexa vista en moitos centros de ensino de Galicia.<\/p>\n

Foron os rapaces e rapazas de 1\u00ba de Bacharelato quen dinamizaron un seminario matinal amosando unha s\u00edntese breve das conclusi\u00f3ns de parte do traballo – presentaci\u00f3n audiovisual centrada nas aves e a s\u00faa caracterizaci\u00f3n – e logo unha actividade, ben divertida – caderno de campo en man… -, de identificaci\u00f3n e debuxo das especies recollidas nos carteis coas fotos dos habitantes da nosa r\u00eda. Tam\u00e9n percorreron os seminarios do resto dos centros sobre sostibilidade e medio ambiente. Case todos os participantes do encontro asinaron a favor dun maior coidado da r\u00eda do Burgo. Un momento significativo da xornada foi a visita \u00e1 exposici\u00f3n en compa\u00f1\u00eda doDirector Xeral de Sustentabilidade e Paisaxe<\/a> D. Manuel Borobio Sanchiz.<\/p>\n

O Director xeral convidou ao \u201cequipo de investigadores\u201d do centro a que fagan as s\u00faas alegaci\u00f3ns ao Plan do Litoral<\/a> respecto da r\u00eda do Burgo para que sexan consideradas cara o futuro. Asumiremos o compromiso. Abonda con mirar e ver para reco\u00f1ecer un humidal e as especies que dependen da s\u00faa conservaci\u00f3n para seguir existindo.<\/p>\n

No Castelo de Sta. Cruz o encontro ti\u00f1a como lema \u201cEspazos para conservar. Defendamos o noso patrimonio natural\u201d. Acudiron cinco centros da comarca da Coru\u00f1a presentando cada un a s\u00faa causa para defender. O nivel cient\u00edfico e de interese foi maior neste foro que no de Pontevedra. Aqu\u00ed levouse a comunicaci\u00f3n do traballo feito en toda a s\u00faa extensi\u00f3n. Non so centrado na caracterizaci\u00f3n das aves. Ao participar no congreso o equipo de investigaci\u00f3n pasa a formar parte da rede de centros Jane Goodall<\/a>.<\/p>\n

Somos protagonistas do seu programa educativo Roots and Shoots<\/a>. Rematou a xornada cun roteiro polo Monumento Natural da Costa de Dexo.<\/p>\n