{"id":1918,"date":"2010-04-30T20:30:47","date_gmt":"2010-04-30T18:30:47","guid":{"rendered":"http:\/\/www.iesneiravilas.es\/arquivo\/?p=1918"},"modified":"2014-10-23T09:52:57","modified_gmt":"2014-10-23T07:52:57","slug":"mediadoras-do-neira-vilas-imparten-un-curso-a-companeiros-de-guitiriz","status":"publish","type":"post","link":"https:\/\/www.iesneiravilas.es\/arquivo\/?p=1918","title":{"rendered":"Mediadoras do Neira Vilas imparten un curso a compa\u00f1eiros de Guitiriz"},"content":{"rendered":"
\"\u00c9ramos<\/a>
\u00c9ramos ao redor de 40 persoas<\/figcaption><\/figure>\n

\u201cO EQUIPO DE MEDIACI\u00d3N E CONVIVENCIA NO CENTRO ESCOLAR\u201d foi o tema central da experiencia de intercambio e formaci\u00f3n entre iguais entre o I.E.S. X. Neira Vilas e o I.E.S. Poeta D\u00edaz Castro<\/a>.<\/p>\n

Unha posibilidade que promoveu e fixo posible o programa Axenda 21 Escolar de Galicia<\/a>. O encontro persoal e a educaci\u00f3n entre iguais son os seus principais valores, ademais da propia mediaci\u00f3n. Os membros do equipo de convivencia e mediaci\u00f3n fixeron un esforzo importante para ser \u201ccomunicadores\u201d, \u201ceducadores\u201d e \u201ccompa\u00f1eiros entusiastas\u201d dun grupo interesado \u2013 dezaseis rapaces e rapazas – do centro Lucense. Aproveitaron a oportunidade seis compa\u00f1eiras de 1\u00ba de ESO do noso centro participando como \u201caprendices\u201d de mediadoras. (Teresa L\u00f3pez Velo, Catalina Bernot Hern\u00e1ndez, Nuria Bu\u00f1o Gol\u00e1n, Laura Carro Sabio e Damaris Fern\u00e1ndez Pumar)<\/p>\n

A iniciativa partiu dos compa\u00f1eiros e compa\u00f1eiras de Guitiriz. Con eles compart\u00edrase a estad\u00eda nacasa rural-ecol\u00f3xica de \u201cAlvarella\u201d<\/a> a finais do curso pasado. Gozaran deste premio reco\u00f1ecido polos responsables da A21 Escolar de Galicia polo traballo desenvolvido nos dous institutos a prol dun mundo mais sostible. O alumnado do Neira Vilas foi agasallado polo traballo de varios anos e varias xeraci\u00f3ns de mediadores e mediadoras. Tam\u00e9n pola brillantez coa que o equipo do curso 2008-09 expuxo o seu traballo no encontro de Pontevedra \u201cO alumnado \u00e9 protagonista\u201d – no marco da A21EG -.<\/p>\n

O \u201ccurso\u201d dividiuse en d\u00faas xornadas: na primeira, o 20 de abril, foi o centro Oleirense o anfitri\u00f3n. De 10 a 13 horas da ma\u00f1\u00e1, no Sal\u00f3n de Actos do centro, tras unha presentaci\u00f3n \u201cregulamentaria\u201d de t\u00f3dolos asistentes, desenvolveuse o programa: O conflito, preciso para medrar na vida; diferentes modos de afrontar un conflito: asertivo, pasivo e violento; a v\u00eda da mediaci\u00f3n: momentos da mediaci\u00f3n e habilidades sociais necesarias para todo mediador. Cada momento foi dinamizado por membros do equipo de convivencia existente e Perillo: Lidia Candal Su\u00e1rez, Adri\u00e1n Freire Rodriguez, Marta S\u00e1nchez M\u00e9ndez, Sara S\u00e1nchez Roma, Macarena Farias, Laura V\u00e1zquez, Estefan\u00eda Torres Esquivel e Laura Grobas. Empreg\u00e1ronse din\u00e1micas de grupo para tratar cada un dos apartados. Os momentos de lecer foron tam\u00e9n intensos e coidados: a parada a media ma\u00f1\u00e1 fixo famosa a tortilla do noso cantineiro Pablo en todo Guitiriz; e a ma\u00f1\u00e1 pechouse cun paseo de amigos e amigas pola praia de Santa Cristina.<\/p>\n

Entre a 1\u00aa e a 2\u00ba xornada o \u201ctuenti\u201d colapsouse na s\u00faa autoestrada virtual entre Perillo e Guitiriz… hab\u00eda que afianzar conceptos e amizades.<\/p>\n

\"As<\/a>
As 2\u00aas xornadas foron de gran debate<\/figcaption><\/figure>\n

Na segunda xornada, o 25 de maio, foi o alumnado da Terra Ch\u00e1 quen acolleu ao grupo de mari\u00f1\u00e1ns que foron al\u00e1. Decidiuse que fose todo o grupo, non so os m\u00e1is directamente implicados na mediaci\u00f3n, para facer tam\u00e9n balance do ano acad\u00e9mico e pasar o d\u00eda xuntos convivindo. Sum\u00e1ronse ent\u00f3n aos xa co\u00f1ecidos: Sara Castro, Luc\u00eda Rodr\u00edguez, Lidia Sotorr\u00edos, Alejandro Nogueira, Sergio Ce\u00e1n, Andr\u00e9 Luis Araujo, \u00c1lvaro Cadavieco, Fernando Romero, Nicole Barros, Mart\u00edn Mejuto, Sergio Roget, Jesica Valadares, Leila Mejuto… A tem\u00e1tica permit\u00eda facer isto xa que esta segunda foi unha xornada sobre cuesti\u00f3ns organizativas: como se aborda un conflito nun centro sen mediaci\u00f3n e como con mediaci\u00f3n?; a posta en marcha do equipo de convivencia e mediaci\u00f3n curso a curso ? E as li\u00f1as de traballo que tentou desenvolver no Neira Vilas o Equipo: a mediaci\u00f3n en conflitos; a coidado medio-ambiental – reciclaxe, punto limpo, aforro… -; o acompa\u00f1amento aos novos – asignando un compa\u00f1eiro o u compa\u00f1eira aos alumnos que chegan novos ao centro -; asesor\u00eda aos delegados e delegadas – mediante \u201cauditor\u00edas\u201d sobre a marcha dos distintos grupos -; observatorio da convivencia – detectando problemas e facendo un seguimento da sa\u00fade da convivencia no centro con reuni\u00f3ns peri\u00f3dicas coa Xefatura de Estudos e Orientaci\u00f3n…-. Precisamente na avaliaci\u00f3n destas li\u00f1as participaron activamente aqueles que non estaban directamente involucrados en mediaci\u00f3n. O tempo de lecer non foi menos importante: Parada a media ma\u00f1\u00e1 para saborear unhas empanadas moi ricas de carne e de bonito; comida na ribeira do r\u00edo Parga, no lugar dos \u201cSete Mu\u00ed\u00f1os\u201d – piscina fluvial de Guitiriz \u2013 con alg\u00fan susto pola chuvia; e tarde de paseo e \u201cbares\u201d polo centro de Guitiriz tam\u00e9n facendo m\u00e1is amigos; ate houbo quen andou uns quil\u00f3metros polo monte ate Pardi\u00f1as – lugar de soa polo seu festival folck e o seu vello balneario -.<\/p>\n

A valoraci\u00f3n foi positiva por parte dos dous grupos. Agardando unha mais sisuda e pausada \u00e9 unha constataci\u00f3n o enriquecemento do intercambio entre compa\u00f1eiras e compa\u00f1eiros de distinto centro e diferente nivel educativo. Tam\u00e9n d\u00e1 xogo a mediaci\u00f3n como dramatizaci\u00f3n alternativa da vivencia dun conflito: inventar o alternativo \u00e1 labazada, a declaraci\u00f3n de guerra ou \u00e1 imprescindible intervenci\u00f3n do Leviat\u00e1n Hobbesiano. A cr\u00edtica maior que admite todo isto \u00e9 precisamente a s\u00faa fraxilidade, a s\u00faa caducidade nun tempo onde a vida dos rapaces e rapazas \u201cvai de paso\u201d, na s\u00faa frescura de \u201cle\u00f1a verde …que todo e fume…\u201d, vaia, como case todo en educaci\u00f3n.<\/p>\n