{"id":1967,"date":"2010-01-31T21:04:10","date_gmt":"2010-01-31T19:04:10","guid":{"rendered":"http:\/\/www.iesneiravilas.es\/arquivo\/?p=1967"},"modified":"2014-10-14T21:08:47","modified_gmt":"2014-10-14T19:08:47","slug":"participacion-no-encontro-do-proxecto-europeo-grundtvig","status":"publish","type":"post","link":"https:\/\/www.iesneiravilas.es\/arquivo\/?p=1967","title":{"rendered":"Participaci\u00f3n no encontro do Proxecto Europeo Grundtvig"},"content":{"rendered":"

A finais do mes de xaneiro (19-24) a profesora de Biolox\u00eda e Xeolox\u00eda, Patricia M. Leyenda, acompa\u00f1ando a Isabel Migu\u00e9lez do CFR de A Coru\u00f1a, asistiu a un encontro do Proxecto Europeo Grundtvig en Lanzarote. O obxectivo foi mostrar o traballo que se fai co alumnado do instituto sobre medio ambiente, concretamente o realizado sobre as aves da r\u00eda do Burgo polo departamento de Biolox\u00eda e Xeolox\u00eda.<\/p>\n

Dito encontro consistiu na realizaci\u00f3n de diversas actividades sobre a ecolox\u00eda e a diversidade paisax\u00edstica da illa de Lanzarote, as\u00ed como a posta en com\u00fan de profesores de Turqu\u00eda, o Reino Unido e Espa\u00f1a sobre educaci\u00f3n ambiental.<\/p>\n

As diferentes visitas serv\u00edan como escenario de actividades de interese paisax\u00edstico e de conservaci\u00f3n da natureza para un grupo de alumnos universitarios ingleses e mais os profesores do proxecto europeo.<\/p>\n

Este encontro supuxo a oportunidade de visitar lugares de elevado valor ecol\u00f3xico como o Parque Nacional de Timanfaya, donde fixemos coa gu\u00eda do parque un agradable, interactivo e instructivo percorrido. Outros lugares que puidemos co\u00f1ecer foron os Jameos del Agua, a Illa de la Graciosa, o Golfo, o miradoiro de R\u00edo Alto, o cr\u00e1ter dun volc\u00e1n, o xard\u00edn dos cactus e un percorrido dun t\u00fanel de lava.<\/p>\n

A visita tam\u00e9n permitiu a observaci\u00f3n de especies emblem\u00e1ticas da illa de Lanzarote como os cangrexos do Jameo del Agua, adaptados a vivir en covas, o lagarto de Har\u00eda, bubelas, alcaud\u00f3ns, mazaricos e garzotas. A profesora, xunto co departamento, est\u00e1n moi satisfeitos coa experiencia e coa adquisici\u00f3n de numerosas ideas para o ensino de biolox\u00eda e xeolox\u00eda.<\/p>\n