{"id":4144,"date":"2015-10-03T19:35:45","date_gmt":"2015-10-03T17:35:45","guid":{"rendered":"http:\/\/iesneiravilas.es\/?p=1973"},"modified":"2017-10-18T10:23:43","modified_gmt":"2017-10-18T08:23:43","slug":"xornada-do-equipo-de-mediacion","status":"publish","type":"post","link":"https:\/\/www.iesneiravilas.es\/arquivo\/?p=4144","title":{"rendered":"Xornada do Equipo de Convivencia e Mediaci\u00f3n"},"content":{"rendered":"

Xornada de Convivencia e adestramento en t\u00e9cnicas de mediaci\u00f3n<\/h3>\n
\"Equipo<\/a>
Equipo de Convivencia e Mediaci\u00f3n<\/figcaption><\/figure>\n

O pasado luns, 28 de setembro, o Equipo de Convivencia e Mediaci\u00f3n realizou unha excursi\u00f3n a Ferrol, Mugardos e Montefaro. No transcurso dun fermoso e soleado d\u00eda, os integrantes do equipo visitaron o gran Castelo de San Felipe, unha fortaleza militar constru\u00edda a finais do s\u00e9culo XVI para defender a r\u00eda e a cidade de Ferrol (coido que naqueles tempos non hab\u00eda mediadores).<\/p>\n

Xa na outra marxe da r\u00eda, no municipio de Mugardos, o equipo tivo a oportunidade de visitar o Castelo da Palma, da mesma \u00e9poca que o de San Felipe e situado xusto enfronte a un tiro de pedra (anque por carreteira tardamos case unha hora en chegar dun ao outro). No Castelo da Palma tivemos a sorte de ter a axuda de Patricia, a gu\u00eda do concello de Mugardos, que nos foi explicando a construci\u00f3n militar, que ao que parece, queren converter nun hotel-spa de cinco estrelas. Patricia mostrounos a ponte levadiza, as cubertas, o peirao para o abastecemento, o polvor\u00edn, as casamatas os calabozos e a prisi\u00f3n militar, na que, segundo nos dixo, estivo preso un tal Antonio Tejero, que en 1981 protagoniz\u00f3u un golpe de estado militar contra a democracia espa\u00f1ola (afortunadamente o golpe non tivo \u00e9xito e os seus l\u00edderes acabaron na c\u00e1rcere).<\/p>\n

Despois da estupenda visita ao Castelo da Palma subimos a Montefaro, ao Mosteiro de Santa Catalina. Comimos os bocatas no xard\u00edn do Mosteiro e logo fixemos un duro adestramento mediante un xogo de rol no que os mediadores ti\u00f1an que enfrontarse a un complicado conflito que, anque era inventado, poder\u00eda perfectamente haber ocorrido no noso instituto. Cando rematamos o adestramento visitamos brevemente o Mosteiro. Est\u00e1 en moi malas condici\u00f3ns e so puidemos ver o claustro e a igrexa.<\/p>\n

E logo xa de volta ao bus para chegar a tempo de coller o transporte escolar.<\/p>\n