Semana na neve en Xaneiro

Semana na neve en Xaneiro
Semana na neve en Xaneiro

Cansos e contentos chegaron os alumnos da semana de neve en Astún. A pesar do tempo de neve, xistra e saraiba foron uns días moi aproveitados porque cada mañán subiron durante dúas horas e outras tantas polo serán. Os monitores acompañaron en todo momento ós rapaces e fron capaces de lanzarse polas pistas de contado.

Tamén visitaron a catedral de Jaca, a estación de Canfranc…. e houbo tempo para xogar ós bolos e asistir á festa baile de despedida.

O profesorado quedou moi satisfeito da experiencia e do aproveitamento do alumnado e espera que se poda repetir en vindeiros anos.

Viaxe Comenius / Lucera ( Italia)

[Descargar o programa da viaxe]

7 alumnos de 3º e 4º da ESO ( Diego Cabeza, Paco Álvarez, David Peral, Raquel Pose, Andra Pía, Benxa Varela e Uxía Vázquez) acompañados de 3 profesores Dona Isabel López Mariño, Don J. Carlos Vidal López (Coordinador do proxecto) e polo Director do Instituto Don José López Couce) pasamos unha semana nun pobo italiano da Rexión da Puglia (situada no sur de Italia, na provincia de Foggia) chamado Lucera, un pobo moi bonito duns 40.000 habitantes; alí fomos acollidos de marabilla, un exemplo da súa amabilidade foi o préstamo de roupa, as nosas maletas quedaron en Madrid e chegaron ao día seguinte.

Como o Proxecto Comenius ten como título “SOMOS O QUE COMEMOS” as viaxes que fixemos tiñan relación co tema, visitamos “Tamma” unha fábrica de pasta, estivemos tamén en PRO-GEN ZONA ASI centro de investigación con todo o relacionado coa pasta, vimos como se fabricaba o aceite e tamén fixemos visitas culturais a Trani e Barleta; outra actividade moi agradable e divertida foi unha festa na que participaron as familias de acollida e alí aprendemos a facer pasta caseira.

Lucera
Lucera

Queremos destacar o enriquecemento que supuxo para todos nós o feito de estudar dúas linguas estranxeiras (neste encontro participou tamén o alumnado dos outros institutos que participan no proxecto de Francia e de Polonia) xa que facilitou enormemente os contactos cos outros alumnos, tamén nos demos conta de que cos italianos eramos capaces de entendernos sen demasiados problemas; en resumo destacar o que nos vivimos como unha experiencia única e realmente gratificante. Esperamos que os nosos compañeiros que no mes de abril vanse a Polonia páseno, polo menos, tan ben coma nós. Pola nosa banda agardamos con impaciencia a chegada das nosas correspondentes italianas en 2013 , trataremos por todos os medios de acollelas tan ben como elas e as súas familias fixeron con nós.

Paco Álvarez, Diego Cabeza, David Peral, Raquel Pose, Andra Pía, Benxa Varela e Uxía Vázquez