Arquivos da etiqueta: Carmen García-Rodeja

Á descuberta da arquitectura e a paisaxe: Visita a Guimarães (Portugal)

Visita a Guimarães
Visita a Guimarães

Os días 21 e 22 de abril o alumnado de 4º ESO realizou unha visita á cidade portuguesa de Guimarães. A actividade está organizada co proxecto Terra e o noso centro leva xa varios anos realizando estas saídas ao país veciño. O completo programa inclúe actividades variadas: a visita á citania de Briteiros ou ao mosteiro de Souto San Salvador, o percorrido en teleférico ata o monte da Penha, a visita guiada á área de rehabilitación de Couros, a descuberta polo casco antigo de Guimarães e a visita ao castelo e pazo dos duques de Bragança. Dúas xornadas completas comendo e durmindo na pousada da xuventude desa localidade portuguesa. O alumnado foi acompañado polos profesores Jorge Calle, Carmen  García-Rodeja e Isabel López Mariño

Investigando no museo arqueolóxico

INVESTIGANDO NO MUSEO ARQUEOLÓXICO

Investigando no Museo Arqueolóxico
Investigando no Museo Arqueolóxico

O pasado día 15 de Abril o alumnado de 1º curso realizou prácticas de arqueoloxía acompañados polos profesores de Xeografía e Historia: Jorge Calle, Xosé Antón García e Carmen García Rodeja e guiados polos seus compañeiros monitores.

Monitores no Museo

Visita museo arqueoloxico da Coruña
Visita museo arqueoloxico da Coruña

Un grupo de alumnos de 1º curso da ESO, visitou o Museo arqueolóxico da Coruña para preparar as actividades da visita que realizarán cos seus compañeiros e que serán monitores.

A actividade foi realizada polo Departamento de Xeografía e Historia e o alumnado foi  acompañado pola profesora Carmen García-Rodeja. No Museo desenvolveron o proxecto de traballo que é a realización dunha guía didáctica que eles, como monitores, prepararán para organizar a visita cos seus compañeiros. Foi desenvolvido o proxecto incidindo en cada unha das seccións do Museo arqueolóxico para identificar as pezas e implicalas no contexto histórico. Tamén foi realizado un taller de arqueoloxía coa catalogación  de obxectos  e un obradoiro de cerámica.

 

Alumnas do Neira Vilas dan unha charla na Facultade de Pedagoxía

charla na Facultade de Pedagoxía
Charla na Facultade de Pedagoxía

“As fontes orais: A biografía como método de traballo na aula” foi o título da conferencia impartida na facultade de Pedagoxía polas alumnas Marleni Martínez de Jesús de 2º curso de ESO e Andrea Ares Montes de 4º xunto coa profesora de Historia Carmen García-Rodeja Arribí. A conferencia foi presentada pola decana da Facultade.

Charla de ex-alumnos

Sabela Paradela de la Morena, médica, Isabel Noya Rey, abogada, e Milo Taboada, actor e empresario teatra
Sabela Paradela de la Morena, médica, Isabel Noya Rey, abogada, e Milo Taboada, actor e empresario teatral

O pasado día 11 acudiron ó noso centro tres antiguos alumnos: Sabela Paradela de la Morena, médica, Isabel Noya Rey, abogada, e Milo Taboada, actor e empresario teatral, a dar unha charla ó alumnado de 1º de Bacharelato. Dúas horas de conferencia onde manifestaron todo o que recibiran na súa etapa de alumnos do IES “Neira Vilas”. O alumnado asistente quedou cunha extraordinaria impresión e axudoulles a valorar a importancia da formación no Ensino medio, o traballo do profesorado e as oportunidades que non se deben desaproveitar.

Charla de ex-alumnos
Charla de ex-alumnos

En primer lugar tomou a palabra a xurista Isabel Noya e explicou a importancia do método de estudio, cómo se lle ensinara a traballar no Instituto, a investigar e a adquisición dun método. Despois de catorce anos como abogada recoñece a importancia que se lle deu ó esforzo e o valor das cousas ben feitas, tamén destacou a importancia dos traballos complementarios que se fixeron na aula e as actividades complementarias como so programas que “tódolos xoves realizaba en radio Oleiros”. “Toda esta formación é moi interesante para o traballo posterior”, “é un legado que permanece” e falou tamén do seu traballo no despacho. Moi emocionada a doctora Paradela contou que no seu paso polo Neira Vilas aprendeu a buscar as fontes para a investigación. Destacou cómo se valoraba o traballo “ben feito” e a utilidade que lle valeu para o seu traballo posterior: riguroso, tal como debe ser a Mediciña. Suliñou tamén a importancia da profesión, do traballo vocacional, da felicidad que supón facer o que un quere a pesar de ser un labor de gran responsabilidade e sacrificio. Falou da importancia no seu traballo de “escoitar ós enfermos, adicarlles tempo e resolverlles os problemas”. Que sempre “hai que superarse” e que nunca “se deixa de estudiar”. Tal como era no Instituo unha alumna brillante, sen embargo destacou cómo superou a súa timidez con probas que lle “impoñían” os profesores pero que lle viñeron ben para o seu futuro.

Charla de ex-alumnos
Isabel Noya Rey e Milo Taboada

Milo Taboada insistíu en que o alumnado debería aproveitar o tempo dos seus estudios, destacou as facilidades para estudiar que neste momento hai e que non se valoran, animounos a que nestes tempos difíciles non se rindan nunca, que esperen que veñan dos demais as cousas que elesqueren e que loiten polo seu traballo e polo futuro.

No debate, moi animado –todos querian preguntar, tanto profesorado como alumnado. Estiveron interesados no súas respectivas profesións e as dificultades dos estudios e do mundo profesional. Os conferenciantes insistiron na importancia da vocación de facer o que un arela. Destacaron o bon nivel do Neira Vilas e a “entrega e paixón” do profesorado moi accesible e sen clases magistrales e tamén que ns etapa do Bacharelato é onde se poñen os cimientos da futura profesión.

Despois de dúas horas tocou o timbre e todos quedamos con ganas de continuar charlando. Nas valoración do alumnado todos insistían en que debían volver.

 

Traballo de arqueoloxía do alumnado de primeiro de ESO

Traballo de arqueoloxía do alumnado de primeiro de ESO
Traballo de arqueoloxía do alumnado de primeiro de ESO

O día 30 de Xaneiro o alumnado de 1º curso realizou un traballo de investigación no Museo arqueolóxico de A Coruña no castelo de San Antón. A actividade consistíu nun taller de identificación e catalogación de pezas prehistóricas guiados pola arqueóloga do museo Ana Martínez e un traballo de estudio dos obxectos do Museo organizado polos monitores do mesmo curso. Os monitores foron Tiago Galicia, Lara García, Javier García Taibo, Sandra González, Irene Pita, Adrián Cañedo, Lidia Fabián, Carlos Fariña e Laura Fernández que previamente estiveran na preparación da actividade. Nelson Peña e Ezequiel Caballero participaron na comisión de orde e foron acompañados polos profesores Carmen García-Rodeja e Xosé Antón García.

Despedida da alumna Claudiane da Silva

Con motivo da partida ó seu país Brasil Claudiane foi homenxeada cunha cea sorpresa á que asistiron profesores e os seus compañeiros de cuarto curso. Despois na clase foille regalada unha camiseta coas fotos dos compañeiros, se lle entregou outra tamén ó seu irmán Kaike, de primeiro curso. Desexámoslles moita sorte no novo centro educativo no seu país.

Roma na primavera

Roma na primavera
Roma na primavera

Durante os días 17 a 21 de maio, sesenta alumnos e alumnas das seccións plurilingues e bilingües visitarán a cidade italiana acompañados polos profesores: Antonella Ermellino, Xosé Antón García González, Carmen García-Rodeja Arribí, Isabel López Mariño, Juan A. Santamaria González e Carlos Vidal López

O xoves día 17 chegamos ó aeroporto de Términi e dirixímonos ó Albergue situado xunto á plaza Bolonia, despois de acomodarnos dispuxémonos para a visita da cidade, collimos o metro por primeira vez e iniciamos a visita da cidade no Circo máximo, depois paseamos o seu carón ata ó alto da cidade para ver as vistas maravillosas de San Pedro, despois visitamos o foro boario e achegámonos á Boca da verdade (Boca della veritá) para comprobar que non decimos mentiras. A tardiña fumos coñecer e cear en pleno barrio de Trastévere.

O venres dia 18 visitamos o Palatino , a igrexa di Gesù o Teatro de Marcello (teatro di Marcello) e a Praza do Campidoglio (Piazza del Campidoglio), de tarde visitamos a Fontana di Trevi, a Praza de España (Piazza di Spagna) , a Praza do Pobo (Piazza del Popolo) , depois de comer fumnos ó Coliseo no que xa tíñamos a entrada reservada ceamos todos xuntos perto da plaza Bolonia onde estaba o noso albergue.

O sábado dia 19 foi o día adicado a visitar o Vaticano, a Capela Sixtina e os Museos Vaticanos, pola tarde paseamos por Roma e fumos coñecer a Praza Navona, ali ceamos e moitos do grupo quedamos a pasear pola noite romana no Campo di Fiori .

O domingo día 20 visitamos -como os romanos nos domingos- o inmenso parque de Vila Borghese e coñecimos a Galeria Nacional de Arte Moderna despois estivemos de mercas pola via do Corso e na vía Condotti; pola tarde fumos visitar o Panteón e a igrexa de Gesú.

O luns 21 foi o día dos últimos recados e paseo pola plaza Bolonia e xa a volta a casa.

Debemos destacar da viaxe a Roma o estupendo comportamento do alumnado, tanto que fumos felicitados en numerosos lugares: no avión, nos restaurantes… tamén valoramos a experiencia do profesor Vidal xa que o todo o relativo á pagos, documentos e organización da viaxe estaba perfectamente organizada, por outra banda foi estupendo poder contar coas magníficas explicacións do profesor Xosé Antón García e a amabilidad e desinterés dos compañeros Isabel López Mariño e Juan Santamaría e, por suposto, a organización estupenda da profesora Antonella Ermelindo que permitíu ter un estupendo aloxamento, as entradas dos museos xa organizadas e disfrutar dunha comidas estupendas nos millores sitios da cidade.

Videos e fotos

Viaxe cultural a Porto

Viaxe a Porto
Viaxe a Porto

O alumnado de 3º de ESO viaxou a Porto (Portugal) durante os días 6 e 7 de Marzo. A visita estivo organizada polos departamentos de Economía e Xeografía e Historia coa colaboración do proxecto TERRA do colexio de arquitectos. O obxectivo da viaxe foi coñecer a arquitectura portuguesa e as novas propostas, así como a identificación da identidade territorial de Galicia e do norte de Portugal.