Observación de aves na Ría do Burgo

O martes 24 de novembro alumnos de 2 e 3 da ESO visitaron a Ría do Burgo para iniciarse na observación de aves acuáticas.

No mes de novembro o alumnado de segundo curso e terceiro, acompañados polos profesores Matías Cuba, Eduardo Álvarez, Marta Penalonga e Patricia M. Leyenda, pasaron a Ponte do Pasaxe para iniciarse na observación das aves.

Xa no paseo marítimo de Fonteculler fixéronse tres paradas. Na primeira, comentouse como se facía un caderno de campo e explicouse o funcionamento das mareas. Na segunda, diferenciáronse as especies de gaivotas máis comúns que se atopan na ría. Na última, foi a mais intensa, posto que se indicou como se debuxaban as aves no campo, as características nas que hai que fixarse para a súa identificación. Coa axuda dun telescopio, púidose observar máis de dez especies distintas.

Algunhas das aves observadas foron: garza real, garceta común, cormorán grande, correlimos, andarrios, volvepedras, zarapitos e cisnes. Incluso tívose a posibilidade de descubrir unha rareza dentro da ría, a alca común.

O alumnado saliu moi satisfeito da experiencia e con gran cantidade de información para os cadernos de campo.

 

Visita ao planetario e a casa das ciencias

O día once de novembro os alumnos de primeiro de E.S.O e primeiro de Bacharelato realizaron unha visita á casa das ciencias e asistiron a unha sesión no Planetario nunha excursion organizada polos departamentos de Historia e Ciencias Naturais.

Acompañaron ós alumnos os profesores Carmen Porta, Milagros Rey e Antón García. Na Casa das Ciencias foron observando as exposicións que ali se atopan. Tamén puideron ver unha pelicula no planetario que -segundo comentan os alumnos- lles resultou moi interesante polo tema e polas dimensións da pantalla.

 

Reflexións de actualidade

Actividade do alumnado de 3º e 4º de ESO

A crise e os nenos saharauis [ 471 KB]

Agora que o Sahara entre na primeira plana da actualidade, Daniel Vázquez reflexiona sobre a crise e os nenos saharauis

Sen futuro [ 32 KB]

O día 25 de novembro celebrouse o día internacional contra a violencia sobre as mulleres. Marta Saavedra nos presenta esta breve e pero profunda reflexión.

A mortalidade infantil no mundo [ 39 KB]

O 20 de novembro foi a celebración do día internacional do Dereitos da infancia. Velaivai a información de María Ramil sobre a mortalidade infantil.