Viaxe a Londres de alumnado do IES Xosé Neira Vilas

Fin de curso 2005-2006

Picadilly
Picadilly

Os días 23 ao 28 de xuño un grupo de alumnos e alumnas do noso Instituto, de diferentes niveis educativos (4º ESO, 1º e 2º de bacharelato) participaron nunha viaxe a Londres organizado polas profesoras Cristina Fernández Branco e Aniana Díaz Gómez.

A chegada á capital británica foi o venres 23 de xuño pola tarde. Despois do aloxamento no Leinster Inn Hostel, un albergue de xente nova en Bayswater, unha zona moi típica de Londres, o primeiro contacto coa cidade foi na archicoñecida Picadilly Circus, cos seus rechamantes anuncios luminosos e o seu ambiente alegre e cosmopolita. Aínda que non se podía gozar ata moi tarde porque o día seguinte prometía duro e canso.

Comida diante do museo
Comida diante do museo

Aproveitouse ao máximo a mañá do día 24 paseando por Hyde Park e visitando o Science Museum, o Natural History Museum (famoso no mundo enteiro polo esqueleto de dinosauro que loce na súa entrada) e o Victoria & Albert Museum no que se pode ver, entre outras cousas ¡unha reprodución do Pórtico da Gloria!. Despois, unha comida “á inglesa” sobre o céspede, permitiu repoñer forzas. Pola tarde esperaba Portobello, un dos mercados máis famosos do mundo, situado no non menos coñecido barrio de Notting Hill.

O domingo é o día ideal para achegarse ao Speakers Corner, en Hyde Park, e así se fixo. Alí, improvisados oradores expoñen aos demais as súas ideas sobre política, relixión, cultura, sociedade… un interesante exercicio de liberdade de expresión e tolerancia. Despois, un típico bus inglés de dous pisos cruzou o centro da cidade ata levarnos a beiras do Támesis para admirar The Houses of Parliament e, o icono da cidade, o Big Ben. A abadía de Westminster está pechada os domingos, co que non se puido visitar a tumba de Sir Isaac Newton, Lord Rutherford, ou do aventurero Dr Livingston entre moitos outros.

Embaxada de Arxentina en Londres
Embaxada de Arxentina en Londres

O “consolo” estivo nunha travesía polo Támesis, con parada na Tate Modern Galery, e destino cara á Tower of London. Alí viviron moitos reis de Inglaterra e ademais mantíñase cativos e se axustizaba a moitos acusados de traizón a Inglaterra. A xornada acabou no idílico Covent Garden co seu ambiente de músicos e artistas urbanos.

Ao día seguinte esperaba unha das xoias da cidade: o British Museum, onde se poden admirar pezas únicas como a pedra de Rosetta, numerosas momias exipcias, e gran parte do friso do Partenón (coa conseguinte polémica co goberno grego…). Pola tarde, o Embaixador de Arxentina en Londres, D. Federico Mirré, tío dunha das nosas alumnas, tivo a xentileza de convidar a todo o grupo que a acompañaba a unha riquísima merenda na súa casa, un marabilloso edificio situado nunha das zonas máis glamourosas da capital

Ambiente en Camden
Ambiente en Camden

O último día aínda quedaba moito por aproveitar. O destino da mañá foi o Palacio de Buckingham, residencia da Raíña de Inglaterra, pero non chegamos a tempo para ver o famoso cambio da garda. A decepción inicial pronto se esqueceu porque a tarde esperábanos Camden Lock, o mercado co ambiente máis ecléctico, extravagante e cosmopolita que se poida imaxinar. Tendas de roupa de todos os estilos alternativos, gótico, punk, ciber, hippy… aquí se atopan todas as tribos urbanas posibles!. Logo dunha esgotadora xornada de compras, a despedida da cidade non podía ser doutro xeito que presenciando un musical nun típico teatro londiniense.

Cansos pero moi contentos, o grupo partiu do aeroporto de Heathrow cara a Alvedro con ganas de volver visitar esta marabillosa capital europea, tan próxima a nós.

Ligas Deportivas

Ligas

Ó longo deste curso celebráronse as ligas deportivas de fútbol e brilé organizadas polo Equipo de Mediación do noso Instituto.

A idea xurdiu nas xornadas de convivencia e pretendían mellorar as relacións entre os alumnos do centro: esquecendo determinadas actividades pouco construtivas ás que se dedicaban algúns nos tempos de lecer. Foi por iso polo que as aliñacións dos equipos saíron dun sorteo entre todos os inscritos. Así os grupos resultaron máis heteroxéneos: distintas idades, niveis, clases…

Nun principio, tanta mestizaxe non agradou a ningún dos participantes. Partido a partido foron superando todos os inconvenientes por compartir campo de xogo con outras persoas, e isto era o que se pretendía: mellorar a convivencia no Neira Vilas.

As finais de ambas as dúas competicións xogáronse a semana do 29 de maio. Da final de fútbol saíu gañador o equipo formado por: Álvaro García, Adrián Fernández, Fernando Lantes,Juan Martínez e Santiago Conde, enfrontados nun vibrante encontro ó conxunto constituído por: Alberto Gómez, Bruno Casal, Santiago González, Cristian García e José Manuel Barreiro.

No brilé, os que acadaron o título do campionato foron Cristián García, Fredi Rilo, Estefanía Antelo e Jessica Cortés. Tamén esta foi unha final dura na que o equipo gañador dobregou ó forte equipo formado por Alberto Gómez, Diana Dapena, Naiara Vián, Alexandra Balbás eRaquel Rodríguez.

¡Parabéns a todos e a todas! O merecido premio para os vencedores será a difícil encomenda de representar o noso Instituto nun partido contra o equipo do Instituto Miraflores. Esperamos ós nosos compañeiros co trofeo correspondente.

¡Ánimo e sorte! ¡Acadamos promover a convivencia incluso entre os centros…!

Actividades do curso 2005-2006

 

DATA PROFESORES GRUPO ACTIVIDADE
18-10-05 Antón García 1º ESO Visita á Casa das Ciencias
19-10-05 Dorinda Rivera
Elvira Sanz
1º Bach Visita aos tellados da Catedral. Asistencia á representación teatral da obra “Seis personaxes en busca de autor”
19-10-05 Milagros Rey
Carmen Porta
4º ESO Visita á DOMUS
3-11-05 Matias Cuba
Ricardo Puig
4ºA,4ºB, 4ºC Visita ás Fragas do Eume
Visita ao Mosteiro de Caaveiro
10-11-05 Mª del Carmen González
X. M. Martínez
Mª Isabel Veiguela
2º ESO Xornada de Cinensino no edificio de “A Fábrica”
17-11-05 Aniana Díaz
Mª Jesús Souza
Xosé Rodríguez
4º A, 4ºB,1º Bach (Física e Química) Visita á Facultade de ciencias da Universidade de A Coruña
23-11-05 X. M. Neira 3º ESO Sotavento
30-11-05 Dep. Galego 4º A, B, C Museo de Pontevedra
01.12-05 Dep Música 4º C, 4º D, 1º Bach Pazo de Congresos
15-12-05 Dep. Debuxo 3º B ESO Exposición: Margaret Bourke White. Fotógrafa.A Coruña
19-12-05 Dep. Debuxo 3º C ESO Exposición: Margaret Bourke White. Fotógrafa.
20-12-05 Dep. Debuxo 3º A ESO Exposición: Margaret Bourke White. Fotógrafa.
20 -12-05 X. M. Neira 2º C, ½ de 2º B Alumán. Arteixo
21-12-05 X. M. Neira 2º A, 1/2de 2º B Alumán. Arteixo
20, 21-12-05 Dep Música 1º, 2º, 3º, 4º, ESO 1º, 2º Bach Concerto didáctico no Auditorio de Mera
22-12-05 Cristina Fernández 2º ESO Visita á fábrica da Coca-Cola
26-01-06 Dep. Música 3º ESO, 1º Bach. Concerto no Pazo da Opera
1-02-06 Departamento de Galego 3º ESO Conferencia do escritor Manolo Lourenzo (12:30-14:10)
13-02-06 Dep. Galego 1º,2º, Bach. Teatro en Mera
14-02-06 Dorinda Rivera, Mabel Veiguela 4º A, B, C. ESO Tertulia literaria co escritor Agustín Ferdz. Paz. – Biblioteca Rialeda (21:20 – 14:10)
14-02-06 Marián, Raquel, Mª Carmen 2º ESO Concerto no Pazo da Ópera
15-2-06 Dep. Debuxo 1º ESO Escola de Cerámica. Sada (Modelado)
16-02-06 Titores 2º ESO Cinensino. Descubriendo nunca jamás. A Fábrica (11-1:30)
20-02-06 Dorinda Rivera, 1º A, Bch. Tertulia literaria co escritor Xosé Miranda- Santa Cruz : (10:10 – 12:10)
20-02-06 Milagros Rey 2º Bach subg. A Visita a EMALCSA (11:30 a 13:30)
21-02-06 Dep de Bioloxía 2º Bach. Central Térmica de Meirama (9:20-12:30)
06-03-06 Dorinda Rivera 4º A, B, C ESO Sesión de cine no Salón de Actos do Instituto (4:15-5:55)
08-03-06 X. Carballude 1º, 2º Bach. Teatro IES “Crucero Baleares”
09-03-06 Ramiro Piñeiro 3º C. ESO Sesión Deportiva en Mera (11:20 a 14:10)
10-03-06 X. Carballude 1º, 2º, Bach. Teatro IES “Crucero Baleares”
13-03-06 Dep de Francés 3º, 4º ESO, 1º,2º, Bach. Teatro. IES “Cruceiro Baleares” (12:30-14:10)
15-03-06 Dep. Galego 4º A, B; C. Visita a Mondoñedo
17-3-06 Dep. Debuxo 1º ESO Escola de Cerámica. Sada (Decoración)
(27-31)-03-06 Interdepartamental Todos Semana da Ciencia
6-4-06 Dep Filosofía e Economía 1º, 2º Bach.Ciencias Sociais Visita á delegación de Facenda de A Coruña
7-04-06 Dep. Debuxo 4º ESO Visita á Fundación Caixa Galicia
(5,6,7)-04-06 3º ESO, 1º Bach Viaxe a Madrid
05-04-06 Dep. de Orientación 2º Bach. Xornadas de Orientación Académico-Profesional (A Fábrica)
07-04-06 Dep. Debuxo 4º ESO (Debuxo) Visita a Se da Fundación Caixa Galicia
07-04-06 Conello 4º ESO Charla no Salón de Actos sobre o tema “A Convivencia”
07-04-06 Concello 1º Bach. Charla no Salón de Actos
20-04-06 Dep. de Orientación 4º ESO Xornadas de Orientación Académico-Profesional (A Fábrica)
18-04-06 Dep. Debuxo 3º ESO Visita a Fundación Caixa Galicia
28-04-06 Titorias 2º ESO Cinensino – Racing Stripes. A Fábrica(9-11:30)
Do 3 ó 10 –05-06 Vicedirección- APA 4º ESO Viaxe cultural-recreativo de final de Etapa Tenerife
11-05-06 Dep E. F. 4º B, 4º D Actividade de Body-Kayak (Bastiagueiro)
16-05-06 Dep. Música 3º, 4º C Concerto Didáctico “Letras Galegas”
24-05-06 Dep. de Biloxía 2º Bach. Visita a SOGAMA (8:30- 12)
25-05-06 Dep. E.F. 1º Bach. A, B Actividade de Piragüismo (Pontedeume)
3º trimestre Carmen G. Rodeja
Fernando Vidal Meijón
Tódolos niveis Convocado polo Concello de Oleiros Actividade “ESCOLA GUAPA”
01-06-06 Dep. de Ed. F.. 4º C ESO Actividade: Body.Kayak en Bastiagueiro
23-06-06 Titorias 1º e 2º ESO Visita cultural a cidade de A Coruña
23-06-06 o 28-06-06 Cristina Fernández Aniana Díaz 4º ESO e 1º, 2º Bach. Excursión a cidade de Londres